CAGAYAN DE ORO CITY-Gipaubos sa imbestigasyon ang 12 anyos nga lalaki sa pasangil nga milugos ug mipatay sa 5 anyos nga batang babaye sa Brgy Cogon, Gitagum, Misamis Oriental.
Kini human nakit-an ang patay’ng lawas sa biktima nga gitabunan na lamang sa mga sagbot sukad nawala kagahapong adlawa.
Miingon si Gitagom Municipal Police Station commander Sr/Insp Ron Baba nga dunay nakakita nga mag-uuma kabahin sa pagkuyog sa duruha hinungdan nga mihimo’g aksyon niini ang mga brgy police o tanod sa lugar.
Una niini, gihulat sa mga imbestigador ang resulta sa otopsiya sa biktima aron masuta kon tinood nga gilugos ug gitook kini hinungdan sa iyang kamatayon.
