CAGAYAN DE ORO CITY – Mihabol ang naghinobrang kasub-anan sa pamilya dihang patay nang nakit-an ang 5 -anyos nga batang babaye nga unang Nawala sa oval grounds likod sa Robinsons Place,Valencia City,Bukidnon.
Kini human igo na lang gitabunan sa mga dahon sa tubo ang patay’ng lawas sa biktima sa Barangay Bagontaas gikan sa pila ka oras nga pagpangita niini sukad sa miaging gabii.
Nagdanguyngoy ang iyaan sa biktima kay igo lang kini gibilin sa amahan apan nalipat sa gipadulngan sa bata kay nanghipos sa baligya sa shomai.
Sa pakisusi sa kapolisan nga adunay kadula nga bata ang biktima apan wala na kini nakabalik ngadto sa iyang iyaan hinungdang nanawagan kini sa pagtumbok sa lokasyon nga napadulngan niini.
Gikasulti nga nailhan na sa mga otoridad ang suspek nga mihimo sa kremin.
Gihulat pa ang resulta sa otopsiya kon gilugos ang biktima sanglit hubo na kining nakit-an nga gitabunan sa mga tubo.
Gidudahan nga ubos sa illegal nga droga ang suspek nga mihimo sa kremin.
