CAGAYAN DE ORO CITY-Walay nakitang foul play sa kamatayon sa usa ka 5 anyos nga bata human malumos sa pantalan sa Brgy Tablon ning dakbayan.
Giila ang biktima nga si John Mark Bermoy, residente sa Brgy Macabalan
ning syudad.
Mismo ang taga-barko ang nakakita sa naglutaw nga patay’ng lawas sa biktima hinungdan nga dali nila kining gipakawas.
Base sa impormasyon sa mga ginikanan sa bata,niadto pang adlaw’ng Domingo na-missing si John Mark human mahulog sa seawall sa pantalan sa Macabalan.
Nagtoo ang mga ginikanan sa bata nga gikan nagdula sa seawall ang ilang anak ug aksidente kini nga nahulog ug nalumos.
