CAGAYAN DE ORO CITY – Patay ang 5-anyos nga batang babaye human maligsan sa Toyota Fortuner diha sa may Barangay Patag ning syudad.
Giila ni Police MSgt Ronald Bitag, imbestigador sa Carmen Police Station ang biktima nga si Shy Lixon, residente sa maong dapit.
Si Bitag miingon nga naligsan sa suspek nga si Ferdinand Fortich Saniel, 65-anyos taga Zone 11 Tejero St., Barangay Patag ning syudad ang biktima dihang nagdula kini gawas sa panimalay ug nabanggaan kini dihang paliko ang sakyanan.
Nag-atubang sa kasong reckless imprudence resulting to homicide ang suspetsado nga giingong trabahante sa PAG-IBIG Home Development Mutual Fund.
