CAGAYAN DE ORO CITY – Patay ang 5-anyos nga batang lalaki human nahulog sa ‘bao-bao’ o tricab nga gimaneho sa iyang amahan diha sa Zone 6, Brgy. Poblacion, El Salvador City, Misamis Oriental kagahapong adlawa.
Gibutyag ni Lt. Col. Raymond Raypon Lumapay, hepe sa El Salvador City Police Office nga nahulog ang bata sa dihang kalit nga nag-preno ang iyang amahan nga si Edmar Gabule, 36-anyos nga taga Brgy. Tambaling sa maong syudad.
Nadala pa sa balay tambalanan ang batang si Edwin Gabule, apan gideklarar kini sa mga doktor nga dead on arrival.
Giingong walay plano ang inahan sa bata nga mopasaka’g kaso batok sa bana niini kay iyang nadawat nga disgrasiya ang nahitabo.
