CAGAYAN DE ORO CITY – Naugdaw ang lima ka panimalay sa sunog diha sa Zone 4, Brgy Bayabas ning syudad.
Gibutyag ni Bureau Fire Protection Fire Inspector John Rey Donasco,station commander sa Fire Station 6 nga moabot sa P100,000 ang damyos sa sunog nga nagsumikad sa panimalay ni Jin Emar.
Asoy ni Donasco nga anggulo sa flying connection sa koryente ang kabahin sa ilang giimbestigaran.
Una niini,giangkon sa usa sa mga nasunugan nga nakita niya ang iyang duha ka mga pag-umangkon nga nagdula’g kalayo sa luyo nga bahin sa ilang panimalay.
Gibutyag ni Jimar Emar nga samtang nanan-aw sila’g telebisyon, nagdula’g wire sa kuryente ang duha ka bata diin ila kining gida-uban gamit ang posporo.
Kasamtangang nagpasilong karon sa Bayabas covered court ang lima ka pamilya nga nawad-an sa ilang mga panimalay.
