CAGAYAN DE ORO CITY – Mag-atubang sa kasong pagsupak sa Comprehensive Dangerous Drugs Act of 2022 ang lima ka personalidad nga nadakpan sa hiniusang operasyon sa Philippine Drug Enforcement Agency 10 kuyog ang Philippine National Police duol sa bag-uhay lang gibuksan nga Panguil Bay Brige,Brgy Silanga,Tangub City, Misamis Occidental.
Subay sa nadawat nga impormasyon ni PDEA 10 regional director Atty Benjamin Gaspi nga gilusob sa ilang tropa kuyog ang mga pulis sa Tangub City Police Station ang suyupanan o drug den hinungdan pagkadakpi sa lima ka suspected drug pushers.
Siya miingon nga kini gilakipan sa mga suspek nga sila alyas Mel,17 anyos; alyas Fred,36 anyos; alyas Mer,28 anyos nga pulos nagpuyo sa Tangub City; alyas Dex,28 anyos ug alyas Ger,21 anyos nga gikan usab Misamis Oriental.
Nabawi gikan sa mga dinakpan ang pito ka gramos sa gitoohang shabu nga dunay kantidad 47-mil 600 pesos rason nga kasuhan sila sa pagsupak sa Republic Act of 2002.
Hisayrang nagsilbing drug den maintainer si alyas Mer samtang ang laing upat pulos mga bisita o parokyano sa maong lugar.
