CAGAYAN DE ORO CITY -Misaka na sa lima ka kinabuhi sa tawo ang namatay sa pagkatakbuyi sa sakit nga dengue sa syudad ning tuiga.
Kini subay sa gisulti sa Reagan Abbu, Health Education Promotion Officer lV sa City Health Office ning dakbayan.
Miingon si Abbu nga sugod Enero hangtod Agosto ning tuiga, nagbaton na ang Cagayan de Oro sa 870 ka kaso sa dengue nga epekto sa mga pinaakan sa mga lamok.
Siya miingon nga hinoon,pinakaubos pa gihapon kini nga kaso itandi sa ubang bahin sa Northern Mindanao ning tuiga.
Apan gipasabot ni Abbu nga walay angay ihatag nga kumpiyansa kay bisan pag-abot sa sunod bulan, ang syudad na ang nag-una sa tibuok rehiyon.
