CAGAYAN DE ORO CITY-Gikasuhan sa paghupot ug pagbaligya sa gidiling droga ang pipila ka drug pusher suspects nga nasikop sa magkalahing lugar sa rehiyon.
Kini human sunod-sunod nga mihimo’g anti-illegal drugs operation ang PDEA-10 sa miaging semana.
Miingon si PDEA agent Ben Calibre nga maoy ilang nasikop sila si Joselindo Eramis nga taga-Puerto;Artemio Virado Jr nga residente sa Malaybalay City;Joan Medrano nga molopyo sa Manolo Forctich;Randy Pedrita ug Chalvin Balustre nga gikan sa Misamis Occidental.
Gibutyag ni Calibre nga bana-banang 16 gramos sa suspected shabu ang
nabawi sa mga suspek diin may balor 96-mil pesos.
Nabawi usab ang usa ka improvised shotgun,mahalong sakyanan ug ubang drug paraphernalia atol sa magkalahi nga operasyon batok sa mga suspek.
