CAGAYAN DE ORO CITY – Ihaya ug dinhi ilubong sa Cagayan de Oro City ang lima ka sakop sa banay nga pulos namatay kay naaksidente ang gisakyang L300 van nga igo lang misuroy sa turistang-destinasyon sa Tupi,South Cotabato.
Kini maoy hukom sa mga kabanay sa mga magtiayong si Joel ug Annabelle Maglente nga apil sa namatay kuyog ang ilang tulo ka anak ug laing duha ka pag-umangkon nga pulos menor de edad.
Subay sa impormasyon sa Bombo Radyo Koronadal,gitakdang mahidangat dinhi sa syudad ang mga patay’ng lawas sa mga biktima aron mapahimutang sa ensakto ug mahatagan sa desenteng paglubong.
Gawas sa magtiayong namatay,patay usab ang ilang mga anak nga sila Joann,Duke ug Ike samtang maoy samaron ang usa pa ka igsoon nga si Oliver Maglente nga nagmaneho sa nadisgrasyang van.
Nasuta nga wala na’y tawo nga nabilin sa ilang balay nga nahimutang sa Greenville Subdivision,Brgy Bugo ning syudad
Hisayrang nawad-an sa preno ang van dihang patugbong na sila sa kalsada gikan sa ilang pagsuroy-suroy.(Reports from Bombo Radyo Koronadal).
