CAGAYAN DE ORO CITY – Dili na makasaulog sa pasko ang lima ka sakop sa pamilya nga taga- Cagayan de Oro nga igo lang nagbakasyon sa Polomolok,South Cotabato.
Kini human nakalas ang maong mga biktima nga taga-Cagayan de Oro ug duha pa ka menor de edad nga residente sa mismong lungsod kay nadisgrasya ang gisakyan nga L300 van sa Land of Praise tourist spot sa Magsangyaw.
Giila ang mga namatay’ng biktima nga sila Annabelle Maglente,52 anyos; Joan,28;Joel;Duke ug Ike Maglente nga pulos naggikan dinhi sa syudad.
Subay sa emergency responders nga nakaabot sa accident area nga pito ang dead on arrival sa ospital.
Kasamtangang gipahimutang sa morge sa Tupi Municipal Hospital ang mga patay’ng lawas sa mga biktima.
Sumala sa inisyal nga imbestigasyon sa kapolisan,nawad-an sa preno ang van hinungdang mibangga sa kahoy ug nahulog nga nag-resulta sa ngilngig nga hitabo.
Gipaubos pa sa medikasyon ang van driver nga si Oliver Maglente,26 anyos tungod usab sa iyang naangkon nga mga samad.
Hisayrang pabalik na ang mga biktima gikan sa ilang gidalikyatan nga tourist spot apan sa pagtungas-kanaug sa van,nawala ang preno hinungdan sa pagka-aksidente niini.(With reports and photos from Bombo Radyo Koronadal).
