CAGAYAN DE ORO CITY, Philippines – Nagpagawas sa bag-ong direktiba ang Department of Labor and Employment alang sa mga employers sa pribadong sector.
Unod sa Labor Advisory No. 14, Series of 2024, pagpadumdum sa mga kompanya nga ihatag ang 200% nga suhulan sa mga empleyado alang sa LIMA ka adlaw nga Regular ug Special Non-Working Holiday.
Ang special non-working holidays mao ang Disyembrer 8, 24 ug 31.
Samtang ang Pasko sa Disyembre 25, ug Rizal Day sa Disyembre 30 – mao ang regular holidays o double pay.
Gitin-aw sa DOLE nga mahimong gamiton ang No work, No pay Principle sa tolo ka adlaw nga special non-working holidays, kundiin ang mutrabaho sa maong adlaw mapatungan sa 30% sa ilang suhulan, gawas pa sa mga muhimog overtime.
Sa pikas bahin, gimando sa ahensya nga hatagan sa 100% nga suhulan ang mga trabahante nga dili manarbaho o day off sa duha ka adlaw nga Regular Holidays, samtang 200% alang sa mga trabahante nga manarbaho sa maong mga adlaw.
Gihimo sa DOLE ang nasampit nga direktiba ilabe na nga daghang tikas ang gakahitabo sa suhulan sa mga empleyado sa pribadong sektor ilabe na sa bulan sa Pasko.
Kung pananglitan wala tumana sa employer Labor Advisory No. 14, Series of 2024, palihog bisita sa labing dool nga mga DOLE Offices aron mapasakaan sa reklamo ang mga tikasan nga mga kompanya.
