CAGAYAN DE ORO CITY-Ipaubos na sa surprise mandatory drug testing ang 5-mil 259 ka empleyado sa city hall sa syudad sulod ning semanaha.
Kini human inisyal nga nagbaton sa pondo nga P1.2 milyon ang syudad aron magamit sa anti-illegal drugs campaign batok sa mga empleyado nga migamit sa gidiling droga.
Matud ni Kag Romeo Calizo,chairman sa komite on police,fire and public safety sa konseho nga maoy mohimo’g drug test ang PDEA-10 ug City Anti-Drug Abuse Council o CADAC sa city hall employees ning semanaha.
Hisayrang sa miaging tuig pa unta ilusad ang drug test isip dayag pagsuporta sa kampanya batok droga ni Presidente Rodrigo Duterte apan nasibog tungod sa kakulang sa pondo.
