CAGAYAN DE ORO CITY – Ralihan sa tulo ngadto lima ka libo nga miembro sa Mindanao Evangelical Leaders Council ang kontrobersyal nga Sexual Orientation and Gender Identity and Expression Equality o SOGIE bill sa Kongreso.
Kini tungod kay dakong supak ang maong grupo nga mahimong balaod ang SOGIE diin pagpihig sa mas daghang sektor itandi partikular sa LGBT community.
Miingon si Bishop Bong Undang,presidente sa Mindanao Evangelical Leaders Council nga dili na angay mag-doble pa ang balaod aron lamang proteksyonan ang kagustuhan sa LGBT.
Namahayag si Udang nga pagpihig sa katawhan ang gihingusgan sa Kongreso kay usa ka pundok lamang ang ilang gipanaminawan.
Himoon ang prayer rally batok SOGIE bill sa Kiosko Kagawasan sa Setyembre 15 sa hapon.
Samtang dili pagsuporta sa SOGIE bill ang ipasar nga proposed city anti-discrimination ordninance ni City Councilor Girlie Balaba sa konseho ning syudad.
Kini human unang nagtoo ang relihiyosong sektor partikular ang Misamis Oriental CdeO Evangelical Convergence nga gitahasan sa Malakanyang ang local govt units aron ipasar ang mga ordinansa nga nagsuporta sa balaodnon.
Miingon si Balaba nga wala maka-pattern sa SOGIE bill ang iyang ipasar nga balaodnon apan gisundog lamang niini ang anti-discrimination ordinansa sa Davao City.
Gani,abli kini sa usa ka debate aron mapaminawan ang huna-huna ug baruganan sa ubang sektor sa syudad.
