CAGAYAN DE ORO CITY – Nangakasuhan na sa pagsupak sa Comprehensive Dangerous Drugs Act of 2002 ang tulo ka personalidad nga responsabli sa pagtanom sa 5-mil ka drogang marijuana sa hilit nga bahin sa Sultan Dumalondong,Lanao del Sur.
Gitumbok ni Lanao del Sur Police Provincial Office Director Col. Caezar Cabuhat ang nadakpan nga marijuana cultivator nga si alyas Rupug kuyog sa duha pa ka kauban niini nga tulog pag-abot sa tropa sa lokasyon.
Gibana-bana nga anaa sa 2-mil ektarya ang kalapad sa yuta gitamnan sa maong gidiling droga nga dunay kantidad nga 900-mil pesos.
Gilayong gipaubos sa imbentaryo ang mga droga human sa pagkaibot ayha gipangsunog.
Apan sa kamulo nga pagsunog sa mga marijuana, gipabutha’g mga armas gikan sa wala matino nga direksyon ang tropa sa gobierno rason nga gilusad ang tactical reconnaissance aron sumpuon ang sympathy attack gikan sa mga armadong tawo.
Wala damha nga sa maong taktikal nga operasyon, disgrasyang nawala ang 9mm pistol ni Corporal Hanif Abdulaziz diin gihimuan pa sa dugang imbestigasyon.
Hinoon,walay mga samaron gikan sa tropa ni Lt Col Allen Alcido sa PSOG/PDEU ubos sa Lanao del Sur PNP kuyog sa mga tropa sa 1st PMFC LDSPPO, PIU LDSPPO, PIAT-RIU15 LDS, CDEU Marawi CPS, 1403rd RMFC RMFB14-A ug Sultan Dumalondong Municipal Police Station.
