CAGAYAN DE ORO CITY-Gilayong isunod sa Bureau of Customs o BoC ang paghaw-as sa kapin 5-mil ka tonelada nga basura nga gikan sa South Korea nga naka-estangko sa Brgy Sta Cruz,Tagoloan,Misamis Oriental.
Kini human naglawig na ang barko nga nagkarga sa kapin libo ka tonelada nga basura nga gipanag-iya sa kompanyang Verde Soko Philippines Industrial Corporation gikan sa Mindanao International Container Terminal o MICT ning semanaha.
Miingon si MICT port collector John Simon nga target nila makuha ang 5-mil ka basura sa Enero 31 diin may himoon gihapon nga seremonyas niini.
Unang gisaad ni Simon nga ibalik ang tanang basura sa South Korea ayha nila kasuhan ang kadagkuan sa Verde Soko tungod sa pagpasulod niini nga walay imporation permit sa lalawigan tuig 2018.
