CAGAYAN DE ORO CITY-Gipa-ubos na sa masusing interogasyon ang lima ka armadong lalaki nga unang nadakpan sa mga kapulisan sa Iligan City Police Office (ICPO), kagahapon.
Gibutyag ni Joe Pantoja, information officer sa Iligan, nga nagbitbit sa dili matino nga mga armas ang mga suspek nga nagpailang sakop sa Knights of Justice.
Sa iyang pakighinabi kang ICPO City Police Director Rey Solidarios, iyang gibutyag nga nagduda ang mga otoridad kung kining lima nga nadakpan konektado sa tolo ka mga peke nga army reservist nga una nilang nadakpan sakay sa ambulansya nga rehistrado sa ngalan ni Joel Apolinario ang founder sa KAPA Community Ministry.
Samtang namugos si Pantoja nga wala pa makasulod sa ilang syudad ang KAPA Community Ministry.
Kini taliwala nga nabutang sa kontrobersiya ang maong grupo tungod sa investment nga gipanguluhan ni Joel Apolinario.
Miingon si Pantoja nga dili nila gusto nga mailad ang mga ilang mga residente nga magbubo ug kwarta sa ilegal nga negosyo nga gipadagang sa grupo ni Apolinario.
Hisayran nga kuyog ang kapulisan, gipaningkamotan sa konseho sa Iligan nga dili sila malusutan sa peke nga KAPA investment.
