CAGAYAN DE ORO CITY-Gawasnon na ang upat ka Islam missionaries nga unang gi-hold sa Philippine Coast Guard Northern Mindanao sa pantalan sa Brgy Macabalan sa syudad.
Kini human nakuhaa’g mga peke nga ID ang mga pasahero nga sila si Bashit Unti, Ameroding Unte, Abdel Hamid Cali ug Abubacar Ibrahem nga pulos taga- Maging, Lanao del Sur.
Gibutyag ni PCG Northern Mindanao District spokesperson Ensign Jesmar Dasas nga nabuhian ang maong mga pasahero tungod kay nakaduso sa ilang piyansa sa korte.
Ang mga suspek ang gikasuhan sa falsification of documents tungod sa paggamit sa fake IDs aron unta mobiyahe padulong sa kauluhan.
Una na usab nila nasikop ang usa ka Alinor Dimaporo nga nagbaton sa fake ID apan gibuhian kay pakyas makaduso’g kaso sa miaging semana.
