CAGAYAN DE ORO CITY-Gipaubos sa dugang pag-imbestigar ang lima ka nagpatoong Islamic missionaries nga nasikop sa Philippine Coast Guard Northern Mindanao sa mismong pantalan sa Brgy Macabalan sa syudad sa miaging gabii.
Kini human nagtinguha pagbiyahe ang maong mga lalaki padulong sa kauluhan nga dili klaro ang katuyuan.
Gibutyag ni PCG District Commander Capt Leo Panopia nga bisan gani paglitok sa Islamic prayer,pakyas ang maong mga lalaki hinungdan nga gipaubos nila sa pag-imbestigar.
Nadiskobre nga pulos peke ang ID nga ilang gi-presentar hinungdan nga gikonsiderar sila nga ‘persons of interest.’
Hisayrang sa miaging adlaw,nasikop ang tulo ka Maute members nga gikan sa syudad ug padulong unta sa kauluhan apan pag-abot sa Iloilo City port naharang sa PCG.
