CAGAYAN DE ORO CITY-Patay sa drug buy bust operation ang laing drug pusher nga misukol sa operasyon sa kapulisan sa Jasaan Misamis Oriental.
Giila ni Jasaan Municipal Police station commander C/Insp Rogelio Labor ang biktima nga si Cyber Ebon, residente sa Zone 6, Barangay Bugo ning syudad.
Si Labor miingon nga misukol ang suspek sa mga operatiba hinungdan nga napulisan.
Nakuha sa iyang posisyon ang pipila ka sachet sa drugang shabu ug .38 caliber pistol.
Kahinumduman nga patay usab sa operasyon ang usa ka Armand Tambaloy Recamata, 48-anyos ug residente Sitio Balagtingan, Quezon Balingasag Misamis Oriental.
Misaka na sa lima ka mga drug pusher ang napatay sa operasyon sa mga operatiba sa tibook Misamis Oriental.
Matud ni Misamis Oriental Provincial Police Office director Sr/Supt Rolando Destura nga napatay ang mga suspek sa drug buy bust operasyon tungod kay misukol sa mga operatiba.
Si Destura miingon nga iyang gimanduan ang operating officers nga dili magkumpyansa tungod kay pulos na armado ang mga drug pusher.
Samtang gidugangan ni Destura ang mga personahe sa mga pulis nga gapahigayon ug checkpoint sa weste ug esteng bahin sa Misamis Oriental.
Sumala ni Destura nga iya kining gihimo sa pagseguro nga dili makasulod sa Misamis Oriental ang mga terorista nga naglaraw mosabotahe sa kasaulogan sa kapistan ni Sr San Agustin.
Dugang ni Destura nga iya usab gimanduan ang mga pulis sa matag police station nga mohimo’g surprise checkpoint.
