CAGAYAN DE ORO CITY-Susihon sa City Veterinary Office ang laing tanghaga nga pagkamatay sa lima ka kanding diha sa Zone 6,Brgy Baikingon ning syudad.
Kini human unang gidudahan sa pipila ka residente nga gipaak sa bangis nga mananap ang maong mga kanding samtang gitigway daplin sa suba sa miaging adlaw.
Miingon si City Veterinarianhead Dr Perlas Asis nga dili pa matumbok kon buaya o mangtas ang mihimo sa pagpatay sa maong mga kanding.
Sa miaging semana,duha ka higayon usab nga gi-atake ang mga manok pangsabong sa diin akusado ang dagkong mga ilaga Brgy Kauswagan ning syudad.
