CAGAYAN DE ORO CITY-Patay ang lima ka tawo samtang laing duha ang samaron sa giingong pagkaigo sa kilat sa duha ka lungsod sa Misamis Oriental.
Kini human unang nakasinati sa mga pagbundak sa pag-ulan ang lungsod sa Villanueva ug Claveria ning lalawigan.
Giila ni Misamis Oriental PDRRMO head Fernando Dy Jr ang mga biktima nga sila si Nelson Jabongga ,56 ug Alex Agusan,32 nga taga-Brgy Imelda,Villanueva.
Naigo usab sa giingong kilat sila si Danny Lebron;Gregorio Digal ug German Pabayo gikan sa kabarangayan sa Sta Cruz ug Hinaplanan sa Claveria.
Samtang samaron usab ug nadala sa ospital sila si John Gucor ug John-John Tamayo gumikan sa hitabo sa Claveria ning lalawigan sa miaging semana.
