CAGAYAN DE ORO CITY – Napugngan ang pagkaylap sa ubang bahin sa Mindanao ang 5-kilos nga gitoohang shabu gikan sa suspected highly value target nga unang nadakpan sa hiniusang operasyon sa govt forces sa Barangay Matalin,Malabang,Lanao del Sur.
Kini ang gibutyag ni PDEA- Bangasamoro Autonomous Region regional director Gil Cesario Castro nunot sa pagkakasuhi na’g pagsupak sa Dangerous Drugs Act of 2002 ni Zacaria Jaji Nandang alias Dats sa piskalya sa Lanao Sur kagahapong adlawa.
Miingon si Castro nga kon wala pa nila madakpi si Nandang nga nagkupot sa 34-milyones pesos nga balor sa gitoohang shabu,hayan apil ang mga lugar dinhi sa Northern Mindanao ang dakpakan niini.
Una nang nasuta sa mga otoridad nga gikan gawas sa nasud ang nabawi nila nga ilegal nga droga sa suspek.
Namahayag si Castro nga kamulo nila gisubay kon kinsa nga mga grupo sa mga sindikato ug kon kinsa ang mga kontak niini aron masulod ang bultong suplay sa ilegal nga droga dinhi sa nasud.
