(Update) CAGAYAN DE ORO CITY – Andam na sa e-biyahe pabalik dinhi sa syudad ang patay’ng lawas sa lima ka pamilyang sakop sa Maglente nga unang nadisgrasya sa lungsod sa Tupi,South Cotabato ning semanaha.
Kini human kumpleto na ang papeles sa mga patay’ng lawas sa mga biktima aron hatagan sa katapusang paghaya sa ilang kabanay dinhi sa dakbayan.
Miingon si Emil Sumagaysay,hepe sa local municipal risk reduction management office nga hayan ugmang adlawa,makuha ang mga patay’ng lawas sa mga biktima aron dad-on sa Brgy Bugo o lungsod sa Tagoloan,Misamis Oriental.
Sa maong disgrasya,pulos patay ang magtiayon nga si Joel ug Annabelle Maglente;mga anak nila nga sila Ike,Duke,Joan ug duha ka pulos menor de edad nila nga mga pag-umangkong babaye.
Samtang si Oliver Maglente lang nga maoy drayber sa L300 van nga nadisgrsya ang bugtong buhi sa maong aksidente.
