CAGAYAN DE ORO CITY, Philippines – Lima ka mga dagkung mall sa lungsod Cagayan de Oro ang gihataga’g permiso sa Commission on Elections nga mulusad sa Mall Voting alang sa nagkaduol nga automated elections sa Mayo.
Namahayag si Cagayan de Oro City – Election Officer Ramil Acol nga sa kinatibuk-ang 42 ka mga Mall Voting Areas sa tibook Pilipinas, ang syudad lamang sa tibook Pilipinas ang dunay pinakadaghang gi-uyunang Mall Voting Precincts.
Kini gilangkoban sa SM Uptown – 1st District nga adunay 7,130 voters; SM City CDO Downtown nga dunay 2,683 voters; Robinsons Cagayan de Oro nga adunay 2.462 botante, Ayala Centrio Malls nga adunay 3,325 botante, ug Limketkai Center nga adunay 1,495 registered voters, alang sa mga botante sa 2nd District, ning syudad.
Gitin-aw ni Acol nga sa tibook Northern Mindanao, ang lungsod ra usab ang nakadawat sa pinakataas nga pagsalig kalabot sa seguridad nga ihatag sa mga patigayon alang sa mga mudagsa nga mga botante.
Miingon si Acol nga kadto lang mga rehistradong botante sa Brgy Carmen ug mga numbered barangays ang maakomador sa lima ka mall voting. Kapin 17,000 ka mga botante ang lauman nga musulod sa lima ka malls sa Mayo 12.
