CAGAYAN DE ORO CITY – Kasuhan sa kasupakan sa anti-terrorism act,mutiple murder ug multiple frustrated murder ang lima ka suspect sa Mindanao State University-Marawi bombing sa piskalya sa Marawi City ning adlawa.
Kini maoy sulti ni Lanao del Sur Provincial Police Office spokesperson Maj. Moner Alinaid kabahin sa padayong pagpalig-on sa mga kaso batok sa mga responsable sa maong pagpamomba.
Miingon si Alinaid nga tipik sa kasuhan ang duha ka sakop sa Dawlah Islamiyah Maute terror group nga nakit-an mismo sa Mohammad Dimaporo Gymnasium diin mibusikad ang ilang gitanom nga bomba sa miaging Disyembre 3 ning tuiga.
Dugang niini nga laing tulo ka wala panganli nga responsable ang apil sa dusu-an sa kasong mga kriminal tungod sa kamatayon sa upat ka sibilyan ug dugang 72 ka biktima nga naangol atol sa hitabo.
