CAGAYAN DE ORO CITY – Gilapdan pa sa PNP ug militar ang paggukod sa lima ka armadong suspek nga mi-ambush sa ilang tropa samtang mi-responde sa kaso sa carnapping sa Brgy Uban-Uban,Picong,Lanao del Sur.
Giila ni PNP BARMM regional director Police Brig Gen John Guyguyon ang mga responsable nga sila Fahad Sangcopan Alilang;Labni Sangcopan Alilang,Aminola Acub Alilang alyas Koko samtang pabiling wala pa matumbok ang identity sa laing duha ka mga kauban niini.
Miingon si Guyguyon nga ang maong grupo ang mipaulan kanila’g mga bala rason nga naigo-patay si Police Staff Sgt Cpl Albert Magdayao samtang gitambalan pa sa Amai Pakpak Medical Center si Police Corporal Marohom.
Gihatagan usab sa taas nga pag-ila sa PNP ang dakong sakripisyo ni Magdayao ug Morohom aron hingpit ma-rekober ang carnapped vehicle sa maong lugar.
