CAGAYAN DE ORO CITY – Gikompirmar sa Office of the Civil Defense nga lima na ka tawo ang patay tungod sa walay hunong nga ulan nga nagresulta sa lapad nga pagbaha sa Rehiyon 9, 10, 11, ug 12 o dinhi sa Mindanao.
Gibutyag ni OCD spokesperson Director Edgar Posadas nga upat sa namatay nag-sumikad sa Zamboanga City ug usa sa Lanao del Sur.
Sa Zamboang City ,siyam na ang missing; kapin libo ka pamilya ang gipabakwit padulong sa 9 evacuation centers sukad sa miaging semana tungod sa Southwest Monsoon o hanging Habagat.
Sa BARMM – 7 ang missing diin, 5 sa Maguindanao del Norte ug 2 sa Lanao del Sur.
Misaka pa sa 20 ang samaran; kapin 200 ka balay ang nabahaan ug napabakwit ang kapin 5,000 ka mga pamilya.
Sa Maguindanao del Norte kapin gatus ka mga balay ang nadamyos, samtang sa Maguindao del Sur – kapin 7,000 ka pamilya ang apektado.
Tungod sa dautang panahon, gisuspenso sa Philippine Coast Guard ang tanan inter-island trips gikan sa upat ka rehiyon.
Gikanselar sa Civil Aviation Authority ang usab ang tanan international flights sa Zamboanga City tungod sa grabeng pagbaha sa runway sa tungpahanan.
Anaa sa 16 ka tripulante ang naluwas sa PCG human misagyad ang ilang cargo vessel sa baybayong dapit sa Rio Hondo tungod sa kusog nga huyop sa hangin ug dagkung mga balaod.(Bombo Anne Quileste).
