CAGAYAN DE ORO CITY-Gikasuhan na sa National Bureau of Investigation o NBI ang lima ka negosyante nga nalambigit sa giingong pagtago sa kapin 20-mil ka sako sa mga bugas sulod sa tulo ka warehouse sa Iligan City.
Kini human unang nasapon ang maong mga negosyante nga nagbaton sa commercial rice nga wala’y permit gikan sa National Food Authority o NFA.
Miingon si NBI-Iligan District Officer Atty Abdul Dimaporo nga kabahin sa gikasuha’g rice hoarding sila si Sonia Payan;Lito Chua;Yang Jiangzhu;Johnny Tan at Raul Tiempo.
Dugang ni Dimaporo nga kon madutlan ang mga respondent sa maong kaso,mag-atubang kini sa pagkabilanggo sulod sa 15 ka tuig.
Nasayran napakyas pagpresentar sa mga dokumento ang maong mga negosyante aron mapatud-an nga legal ang paghupot nila sa 20 milyones nga kantidad nga commercial rice sa Iligan City ning bulana.
