CAGAYAN DE ORO CITY-Naila na sa militar ang lima ka miembro sa rebeldeng New Peoples Army o NPA nga responsable sa pagpangatake gamit ang landmine sa Miaray, Cabanglasan, Bukidnon.
Matud ni 8th IB civil military officer First Lieutenant Kenneth Cabbigat nga nakuha na nila ang identity sa mga suspek nga miatake sa gitukod nila nga army detachment sa maong lugar.
Una
nang giangkon ni Ka Malim Mabini, tigpamaba sa North Central Mindanao Regional Committee nga miggamit sila’g bomba ingon man nagpaulan sa bala hinungdan nga pito sa mga sakop sa militar ang nasamdan.
Sa panig usab sa sundalo, gipamugos niini nga walay sakop nila ang nasamdan sa engkwentro.
Hisayran nga nag-atubang sa kasong pagsupak sa Comprehensive Agreement on Respect for Human Rights and International Humanitarian Law ang mga suspek.
