CAGAYAN DE ORO CITY – Gikompirmar sa City Health Office nga nagbaton sa usa ka kompirmadong kaso sa sakit nga leptospirosis diin namatay ang natakbuyang biktima sa tuig 2025 pa.
Matud ni CHO officer-in-charge Dra Claire Paglinawan nga maong pasyente taga-Cagayan de Oro apan nagtrabaho ug namatay sa paghambin sa leptos sa Surigao sa Caraga region.
Namahayag si Paglinawan nga gawas sa kompirmadong kaso,anaa usab sa upat ka tawo ang namatay ning syudad apan kutob lang sa pagduda nga epekto gihapon sa leptos.
Siya miingon nga nakatala usab sila sa laing 33 ka residente gikan sa nagkadaiyang bahin sa dakbayan nga nadala sa mga ospital kay naghambin gitoohang susamang sakit sa miaging tuig.
Gihimo ni Paglinawan ang katin-awan epekto sa pagbuto sa isyu nga daw nagbaton sa napulo ka tawo ang namatay sa leptos gikan sa publikong-merkado sa Cogon ning syudad sa miaging semana.
Apan sa gihimong katin-awan sa CHO pinaagi sa City Information Office press conference,dili tinood nga adunay napulo ka tawo ang namatay sa maong sakit.
Kini tungod kay subay sa ilang koordinasyon sa mga ospital,walay nahatag nga mga impormasyon kabahin sa maong isyu.
Hinoon,gikompirmar usab niini nga adunay market vendor nga namatay ug nadungog nga nagka-leptos apan subay sa medical ug death certificates,lahi ang nakasulat nga hinungdan niini.
