CAGAYAN DE ORO CITY- Gipasidunggan sa Cagayan de Oro City Police Office o COCPO ang 5 ka personahe sa Roads and Traffic Administration o RTA sa syudad kagahapong adlawa.
Kini tungod sa ilang pagsikop sa pipila ka drug pushers ug snatchers sa magkalahi nga higayon sa dakbayan.
Namahayag si RTA chief operations officer Carmelito Deloso nga nalipay sila sa pag-ila sa kapolisan sa ilang ginagmay’ng pag-abag pagsumpo sa kriminalidad.
Kabahin sa gihatagan sa plake sila RTA enforcers Arthuro Figuracion;Steve Kieven Balios;Mark Clifford Jumao-as;Abraham Cheke ug Robert Rex Dignos.
