CAGAYAN DE ORO CITY-Gipanganti ni City administrator Teddy Sabugaa nga manubag ang pipila ka personahe sa Roads and Traffic Administration Dept o RTAD personnel sa kamatayon sa DPWH official tungod sa aksidente sa syudad.
Kini human unang napakyas ang lima ka personahe sa maong opisina pagpa-pull out sa nadaot nga mobile crane sa Brgy Gusa sa miaging Hunyo 22 ning tuiga.
Miingon si Sabugaa nga gihulat na lamang niini ang official report sa city legal department alang sa mahimong aksyon sa hitabo.
Dumduman nga patay on the spot si DPWH officer Engr Erfor Manduro nga taga-Brgy Cugman dihang nabanggaan niini ang crane tunga sa highway kay nadaot ug gipasagdan lamang.
Mismo si City Mayor Oscar Moreno ang nagmando sa imbestigasyon kabahin sa panghitabo.
