CAGAYAN DE ORO CITY – Gikan sa tolo, nahimo nang lima ang opisyal nga ihap sa mga nasamdan tungod sa pagbuto sugod sa Disyembre 21 hangtud Enero 2 nga monitoring sa Department of Health Region 10.
Sa interbyu sa Bombo Radyo kang Dr David Mendoza, assistant regional director sa DoH-10, iyang gibutyag nga dunay usa pa ka kaso ang natala sa usa sa probinsya ning syudad ug nahitabo ang insidente sa mismo pagsugat sa bag-ong tuig.
Hisayran nga inihap lang ang mahatag nga impormasyon sa DoH-10 tungod kay kamulo pa sa pagkuhag data ang ilang mga provincial health offices.
