CAGAYAN DE ORO CITY – Kasuhan sa kapolisan ang kapitan sa barko lakip na ang iyang mga tripulante sa MV King Evaristo nga unang midunggo diha sa Coastal Road, Barangay Lapasan ning syudad sa miaging adlaw.
Giila ni Cagayan de Oro City Police Office spokesperson Maj Evan Viñas ang mga suspek nga sila si Ernesto Culanag, kapitan sa barko ug mga tripolante nga sila si Ivem Stephen Verde Vigo nga taga Roxas, Capiz; Madison Santos nga taga Pampanga; John Harold Fabilio nga taga Caloocan City; Rexfield S Llorico nga taga Capiz ug Ranniel Gala Alvaro nga taga Caloocan City kinsa kasamtangang anaa sa kustodiya sa Philippine Coast Guard.
Si Viñas miingon nga gikan sa Siargao ang barko ug igo lamang kini magkuha’g semento sa Oro port. Nikanaog sila sa barko aron sa pagkuhag tubig ug gasul nga wala makigkoordina sa PCG hinungdan nga gidakop.
