CAGAYAN DE ORO CITY – Kasuhan karong adlawa sa PDEA 10 ang lima ka suspected drug pushers nga nasikop pinaagi sa buy bust operation sa Purok 3,Brgy Poblacion,Linamon,Lanao del Norte.
Kini human nakuhaan nila ni PDEA regional director Wilkins Villanueva ang mga suspek sa 20 gramos sa gitoohang shabu nga dunay market value nga 136-mil pesos kagahapong adlawa.
Giila ang targetlisted drug personality nga si Muhammad Asharaff Yanu Jabber ingon man sila si Kirby Geme Abarquez,Jovanie Sasel Sanggacala,Abdul Rajiv Yanu Jabber ug Grizele Dame Gayoa Cloma nga pulos nagpuyo sa maong lugar.
Dugang ni Villanueva gna kuyog sa PNP special units ug Linamon Police Station,nabungkag usab nila ang drug den nga gidumala sa mga suspek kinsa mag-atubang sa pagsupak sa Dangerous Drugs Act of 2002.
