CAGAYAN DE ORO CITY – Mo-depensa sa lantuging-legal ang lima ka suspected drug pushers nga dungan nasignit sa hiniusang operasyon sa mga operatiba sa Philippine Drug Enforcement Agency,Cogon Police Station 2 ug City Intelligence Batallion sa Barangay Indahag sa dakbayan.
Miila si PDEA 10 regional director Atty Benjamin Gaspi sa mga dinakpan nga sila alyas Reyen,19;Nadine,18; Tara,42, mga pulos babaye ingon man si Devon,20 anyos nga tanan nagpuyo sa Brgy Indahag ug alyas Joel,28 anyos nga residente sa Brgy Camaman-an ning syudad.
Naembargo gikan sa mga dinakpan ang 11 gramos sa gitoohang shabu nga adunay kostar nga 74-mil 800 pesos.
Maoy kontrahon sa mga dinakpan ang kasong pagsupak sa Comprehensive Dangerous Drugs Act of 2002 nga ipasaka sa mga otoridad batok kanila sa piskalya ning syudad karong adlawa.
