CAGAYAN DE ORO CITY- Kasuhan sa pagpatay ang lima ka lalaki nga responsable sa pagdunggab-patay sa peryahan operator sa Brgy Cugman ning syudad.
Kini human gitabanga’g dunggab ang biktima nga si Mario Navarro,legal ang edad,minyo ug nagpuyo sa kauluhan.
Subay sa report,gibato sa mga suspek nga sila si Raffy Opeso;Raymart Villarobia;Antonio Millena;Custodio Jardin ug Archie de la Penia ang peryahan hinungdan gibadlong sa biktima.
Apan nagkainitay ang duha ka panig hinungdan nga dunay komosyon niadtong Miyerkules Santo.
Nakaangkon sa tulo ka samad sa dughan ang biktima ug paspas gidala sa Puerto Community Hospital apan patay nang naatiman sa mga doktor.
Gilayong nasikop usab ang mga suspetsado sa kapolisan ug kasuhan sa pagpatay sa piskalya ning syudad ugmang adlawa.
