CAGAYAN DE ORO CITY – Nadakpan sa Criminal Investigation and Detection Group o CIDG-10 ang lima ka Staff sa giingong investment scam group dihang gironda sa probinsiya sa Bukidnon.
Giila ang mga dinakpan nga sila si Emeliana Fernandez, Enie Oliquino, John Lister Pacunayen, Ojelyn Busbos ug Merlyn Perez nga pulos staff sa JA Mining Ventures sa maong lugar.
Miingon si CIDG-10 regional director Police Lt. Col. Reymund Liguden nga ilang gironda pinaagi sa search warrant ang JA Mining Ventures sa Malaybalay City, Valencia City ug Maramag, Bukidnon.
Narekober sulod sa mga opisina ang halos 700-mil pesos nga salapi, investment forms, acknowledgement receipts, computers, cellphones, printer, bill counter machine, ug uban pang mga dokumento nga giggamit sa maong illegal activities.
Gipanag-iyahanang maong patigayon ni Juanito Castro Ampong diin gatanyag sa 50 hangtud 100 percent returns of investments o ROI sa ilang investors.
