Mubayad sa 50-60% sa bill sa pasyente ang Philippine Health Insurance Corporation, ubos sa Zero Balance Billing. Gipasabot ni PhilHealth Chief Dr. Edwin Mercado nga lakip niini ang mga pasyente nga na-admit sa ward o basic accommodations sa DOH hospital. Gitin-aw ni Mercado nga ang mahibilin nga bayronon sa pasyente mahimong i-agi sa Medical Assistance to Indigent and Financially Incapacitated Patients (MAIFIP) ug sa budget sa DOH nga gikan sa General Appropriations Act (GAA). Kini nga mga opsyon maoy makaluwas sa bug-at nga pinansyal nga obligasyon sa mga pasyente nga benepisyaryo sa PhilHealth.
