CAGAYAN DE ORO CITY – Kasuhan sa kapolisan ang lima ka suspected drug pushers nga naglakip sa bigtime personalities sa piskalya ning syudad karong adlawa.
Kini human unang nasikop sa mga operatiba ang duha ka bigtime drug pushers sa Brgy Casinglot, Tagoloan ning lalawigan sa miaging semana.
Giila ang mga suspek nga sila si Jeffrey Hostillano, taga Barangay Carmen ning syudad ug ang taxi driver nga si Michael Emano, residente sa Calanaan, Brgy Canitoan ning syudad.
Sumala ni Police Major Rogelio Manalang,hepe sa Tagoloan Police Station nga nakuha sa ilang posisyon ang 50 ka gramos sa gitoohang shabu nga nagkantidad sa P300,000.
Si Manalang miingon nga ilang nadakpan ang mga suspek sa ilang gihimong follow up operation dihang unang nadakpan ang mga drug users nga sila si Robert San, 42-anyos; igsoon nga si Anthony San, 43-anyos, pulos nagpuyo sa Purok 3 Sugbongcogon Tagoloan; ug Clyde Orculio nga taga Tungan Tungan Valencia City, Bukidnon kinsa nakuhaan sa lima ka sachet sa shabu.
