CAGAYAN DE ORO CITY-Gibatikos sa dul-ag 50 ka construction worker ang sub-contractor nga nagtrabaho sa dakong mall diha sa dalang Osmena-Recto ning syudad.
Kini human midangop ang maong mga trabahante sa Bombo Radyo ug gipabati ang ilang kadismaya batok usa ka Engr Reginald Bagaipo nga nagsilbing sub-contractor sa SM mall construction sa maong dapit.
Miingon ang construction mason nga si Victor Sinahan nga taga-Gingoog City nga mahulog nga gitabla ni Bagaipo ang ilang hinaguan diin sila gipihig sa madawat nga suluhan.
Samtang,namugos si Engr Bagaipo nga mga labad nga grupo sa trabahante ang nag-reklamo batok kaniya.
Siya miingon nga dugay ang release sa bayad hinungdan nagka-utang utang kini aron matubag ang suhulan sa mga trabahante.
Nasuta nga kutob lamang cash advance ang nadawatan sa gruopo ni Sinahan gikan kang Bagaipo.
Gitataw ni Sinahan nga walay kalabutan niini ang ilang gitrabaho nga mall apan ang contractor nga nagsulod lamang kanila.
