CAGAYAN DE ORO CITY-Kasuhan sa National Bureau of Investigation o NBI-10 ang pipila ka negosyante nga posibleng nalambigit sa ‘rice hoarding’ sa Iligan City.
Kini human unang nasapon sa Task Force on Rice ang tulo ka warehouse nga nagbaton sa 50-mil ka sako sa commercial rice sa maong syudad.
Miingon si Iligan City Information Officer Joe Pantoja nga kabahin sa gilusob sa grupo ni NBI-Iligan City District head Atty Abdul Jamal Dimaporo ang duha ka warehouse nila ni Sonia Payan ug Chinese national Yang Jianzhu diin nadiskobre ang 20-mil ka sako sa commercial rice.
Gilusob usab sa grupo ang laing warehouse nga gipanag-iya sa negosyante nga si Johnny Tan diin nadiskobre ang 30-mil ka commercial rice bags.
Gitun-an sa mga otoridad ang ikaso sa NBI kuyog ang NFA ug ubang ahensiya kon mapakyas ang mga negosyante pagmatood nga legal ang papeles sa maong mga bugas.
