Gisaway sa usa ka Bangsamoro lawyer ang gitanyag sa kagamhanan nga 50-million pesos nga ganti alang sa pagdakop kay Senator Bato Dela Rosa.
Gipasabot ni Atty. Badrodin “Bador” Mangindra nga dakong kalapasan ug usik sa kwarta sa katawhan nga gamiton ang pondo sa nasud aron lang itugyan ang usa ka Pilipino sa internasyonal nga korte.
Gi-insistir sa abogado nga mas maayo pang gigamit ang maong salapi aron tabangan ang mga pamilyang naapektuhan sa grabeng krisis sa Mindanao ug sa ubang probinsya.
Gumikan niini, gipahayag sa opisyal nga ang pagtanyag og reward money maoy resibo nga hangtod karon naglibog ug wala gayod katultol ang gobyerno kon asa nahimutang ang senador.
