Nagtanyag ang Department of the Interior and Local Government (DILG) og 50 milyon pesos nga ganti alang sa impormasyon nga makatabang sa pagsikop kang Senador Ronald “Bato” dele Rosa, nga giisyuhan og warrant of arrest sa International Criminal Court (ICC) mag-isa na ka tuig karong bulan sa Nobyembre tungod sa kalambigitan niini sa war on drugs sa administrasyong Duterte.
Matud ni Department of the Interior and Local Government (DILG) Secretary Jonvic Remulla, gihatagan nila si dela Rosa og pagtahod nga angay sa usa ka Senador sa republika sa Pilipinas, apan wala siyay gipakita gawas na lamang sa kalisang ug pagpadayon sa pagtago ug giisip lamang niini nga timaan sa kahuyang ang negosasyong gitanyag kaniya sa ilang ahensya.
Dugang sa Kalihim, panahon na aron mahatagan og hustisya ang iyang mga nabiktima ug sugod gahapong adlawa, giila na ang Senador isip armado ug delikado.
Dugtong niini, gipahibalo usab ni Remulla nga adunay task force nga gipangulohan ni General Wilson Lopez nga giumol ug kini adunay bugtong nga katuyoan sa pagtultol sa gikahimutangan ni Bato ug sa pagsikop kaniya.
