CAGAYAN DE ORO CITY-Nadala sa duha ka ospital ang dili mominus 50 ka tawo nga daghan mga bata tungod sa giingong pagkahilo sa gikaon
nga bam-i sa Sitio Magcopa,Brgy Dansolihon ning syudad.
Kini human unang nagkatapok-tapok ang mga biktima diin gisaulog ang adlaw sa tulo ka hari o three kings kagahapong adlawa.
Miingoon si Cresente Padrigano,lider sa mga mag-uuma sa maong lugar nga nagduda sila nga ang napalit nila nga pansit gikan sa merkado Carmen ang rason nga nahilo ang kabanay sa ilang mga silingan.
Nasayran nga nadala sa JR Borja City Hospital ug Northern Mindanao Medical Center ang mga biktima tungod sa pagpanakit sa tiyan,pagsuka-suka ug pagpagawas sa ilang hugaw gumikan sa hitabo.
