CAGAYAN DE ORO CITY-Samdan nga nakit-an sa usa ka mananagat ang usa ka dakong isda diha sa Zone 5, Brgy Balwarte, Tagoloan,Misamis Oriental.
Matud ni Jojo Layan, miembro sa Bantay-Dagat nga iyang nakita ang dakong isda mga alas-12:00 sa kadlawon nga samaron ang kilid.
Nagtoo si Layan nga gibangkaw ang maong isda nga gitoohang butanding.
Nagbaton kini sa gimbug-aton nga 500 kilos.
Apan paglabay sa pipila ka oras nga pagdagsa sa mabaw nga bahin sa dagat,hingpit nga namatay ang maong isda.
