MANILA – Gihatagan nila ni US Secretary of State Antony Blinken ug US Defense Secretary Lloyd Austin sa half-billion dollars nga pondo si Pres Bongbong Marcos.
Kini aron dunay magamit ang Pilipinas sa pagpalig-on pa sa depensa sa West Philippine Sea nga puwersadong gikontrol sa China.
Gihimo sa duruha ka US officials ang pagpaabot sa tabang mismo sa ilang pagbisita kang Marcos sa Malakanyang kagahapong adlawa.
Dili kini ang unang pagtunob sa duha ka opisyal apan makapilang higayon nunot sa solido nga alyansa sa Pilipinas ug Estados Unidos ilabina sa init nga tensyon sa WPS.
