Subling gipahugtan sa mga magtutudlo ang ilang hangyo nga patas-an ang ilang sweldo taliwala sa padayong pagbuta-bungol sa gobyerno.
Gipahayag ni Alliance of Concerned Teachers Chairperson Ruby Bernardo nga aduna gayoy pundo ug kakayahan ang kagamhanan nga ihatag ang 50,000 pesos nga entry-level salary kon likayan lang ang pag-usik-usik ug pagpamulsa sa pundo sa nasod.
Dugtong niini, liboan ka mga titser ang moadto sa Kongreso karong Lunes aron hangyoon ang mga opisyal nga suportahan ang balaod alang sa ilang sweldo.
Tungod niini, gipahayag sa grupo nga panahon na aron hatagan og saktong pagtagad ang kaayohan sa mga magtutudlo labi na sa pagsaulog sa National Teachers’ Month karong bulana.
