CAGAYAN DE ORO CITY – Napugos pagbakwit ang 147 ka pamilya o 502 ka residente gikan sa ilang mga balay padulong sa tunghaang-elementary sa Sitio Bolao,Brgy Iponan ning syudad sugod kaganihang kadlawon.
Kini epekto sa magpila ka gabii nang pag-ulan sa Bukidnon ug ubang bahin sa rehiyon nga nag-resulta sa mga pagbaha diin mipadulong sa Iponan river hinungdang miawas nga mipadulong sa kabalayan sa mga residente ning syudad.
Gibutyag ni Iponan Punong Brgy Benjie Reyes nga gidala niya sa Bolao Elementary School ang mga biktima aron mapadali ang pag-monitor ug pag-atiman kanila samtang dili pa kabalik sa ilang mga puy-anan.
Siya miingon nga nakurat na lang ang mga biktima kay gipukaw sila sa misulod nga tubig-baha sa ilang mga balay nga taga-hawak rason nga gidali-dali’g rescue sa mga taga-brgy aron dad-on sa covered court.
Sa miaging adlaw,mitala usab sa pipila ka damyos na ang magkalahing pagbaha nga miigo sa Valencia City ingon man sa Pangantucan ug San Fernando pulos sakop sa Bukidnon gumikan sa pagbundak sa kusog nga mga pag-ulan.
